يا مرحبا بأولاد سيدي :-)

سلام واحترام،

احم..احم...

واللّه ماكنتش متشجّع ياسر باش نعمل "البلوغ" متاعي..، وكنت ديما نخلّي الحكاية هذي للنهار اللي نعمل فيه انترنات في الدّار...

لكن مؤخّرًا وأنا نعمل في تكحيلة على بعض المدوّنات التونسيّة والعربيّة..استبدّت بيّ رغبة شديدة في أن أصنع لنفسي ركنًا خاصًا..أنشر فيه ما قد يخطر ببالي من كتابات (شعر، مقالات، أخبار ...) ، وأيضًا أين يمكن أن أنشر ما يعجبني من مقالات أو قصائد..وغيرها..كتبها أخرون..أن أنشر بحريّة..ودون رقابة ذاتيّة خوفًا من _أو على _مشرفي منتديات النقاش التّي أكتب فيها عادة..وان شاء اللّه بركة .."الإخوان" متاع الرقابة متاعنا..يسايسوا علينا..وما يفرحوش بينا على بكري..ويخلّيونا نتنفسّوا شويّة..ولو بشكل "افتراضي" :-)


كما يهمّني أيضًا أن أساهم في المجهودات المبذولة لحماية لغتنا الوطنيّة..أي العربيّة..بشقيّها..الفصحى والدارجة (أو العاميّة)..، التّي أرجو أن يكون لها نصيب الأسد في هذا المكان..مع الترحيب طبعًا بغيرها من اللغات...

على كلّ من غير مانطوّل عليكم..تفضّلوا خوذوا راحتكم..الدار داركم
:-)

غسّان

م: نحبّ نشكر صديقة شجّعتني برشة باش نبعث البلوغ هذا..توّ تعرف نفسها بنفسها ..شكرًا يا نسنوسة
;-)